العودة   ديوانية أسرة السلوم > ساحات الحوار > أدب
الأعضاء الأوسمة التقويم البحث مشاركات اليوم اجعل جميع المنتديات مقروءة

أدب كل ماقيل في الشعر والخواطر والقصص والروايات.

إنشاء موضوع جديد  رد
 
أدوات الموضوع طرق مشاهدة الموضوع
  #11  
قديم 03-06-08, 03:12 صباحا
الصورة الرمزية من هؤلاء القوم
من هؤلاء القوم غير متواجد حالياً من هؤلاء القوم

 
تاريخ التسجيل: Apr 2008
المشاركات: 4
بارك الله فيك

ومثل هذا الرائع

يستحق اكثر من ذلك منا


رد مع اقتباس
  #12  
قديم 13-06-08, 11:29 صباحا
الصورة الرمزية سامية شافيق
سامية شافيق غير متواجد حالياً سامية شافيق

 
تاريخ التسجيل: Mar 2008
المشاركات: 2,405
الله يرحمه و يسكنه فسيح جناته


ما شاء الله شعر رائع
رد مع اقتباس
  #13  
قديم 07-10-08, 03:55 صباحا
الصورة الرمزية عبدالله سالم عبدالرحمن السلوم
عبدالله سالم عبدالرحمن السلوم غير متواجد حالياً عبدالله سالم عبدالرحمن السلوم

[ شاعر العائلة ( 1 ) 2008 ]
 
تاريخ التسجيل: Jul 2008
الدولة: الكويت
المشاركات: 1,810
الله يعطيكم الف عافيه



.






( سبحان الله وبحمده )

( سبحان الله العظيم )

من مواضيعي:
كلمات ومعاني
إهداء لزواج السلّوم والبسّام.
صدق او لا تصدق
معلومات صغيره
رد مع اقتباس
  #14  
قديم 16-01-09, 05:23 مساء
الصورة الرمزية ديمه السلومـ
ديمه السلومـ غير متواجد حالياً ديمه السلومـ

[ مَــطــرٌ خـفـيـفٌ يـَتـهَـادى ]
 
تاريخ التسجيل: Oct 2007
الدولة: Unaizah
المشاركات: 977
شكراً صلاح .

الله يرحمه و يسكنه الفردوس الأعلى .



حَسبِي الله لا إله إلا هُوَ عَليهِ تَوَكلتْ وَ هُوَ رَبُّ العَرشِ العَظِيمْـ
أعيرونا مدافعَكُمْ ليوم ٍ لا مدامعَكُمْ
أعيرونا وظلُّوا في مواقعكُمْ
بني الإسلام
! ما زالت مواجعَنا مواجعُكُمْ
مصارعَنا مصارعُكُمْ
إذا ما أغرق الطوفان شارعنا
سيغرق منه شارعُكُمْ
يشق صراخنا الآفاق من وجعٍ
فأين تُرى مسامعُكُمْ؟
!


من مواضيعي:
التصويت لمشاركات مسابقة أديب العائلة ( ألغيت لكثرة الجدل )
تيجانٌ متلألئة | قصّة |
|| . . شــاعـــر الــعــــائـلـــه . . ||
عنيزه 1395 هـ
رد مع اقتباس
  #15  
قديم 18-02-10, 01:23 صباحا
الصورة الرمزية عبدالكريم منصور عبدالمحسن
عبدالكريم منصور عبدالمحسن غير متواجد حالياً عبدالكريم منصور عبدالمحسن

 
تاريخ التسجيل: Jan 2010
المشاركات: 9
هذه قصيدته الشاعر بن عون العتيبي ( لايحضرني اسمه ) ارسلها إلى العملاق عبدالله السلوم
يقول بن عون في قصيدته ::




قضى صبري على طول اليالا
وخلي في خيالي لـه خيـالا
يزيح الصبر داج الليـل كلـه
وانا وهجوس قلبي في جدالا
إلى من المعافى طاب نومـه
عوني عن حلا نومي زعـالا
نديمي بالسهر ونـات قلبـي
من المعلوق اجاذبهـا تتـالا
تلد العيـن لسهيـل اليمانـي
وانا في طي عن سلمى شمالا
إلى مني بغيت انسى المحبـه
حمام الزاج لي غنا الزجـالا
الا يالله لاتجـزي الحمـامـه
بنو الخيـر امنشـي الخيـالا
حمـام الـورق بالله لاتغنـي
دخيلك ياحمـام الـورق لالا
تذكرنـي بـخـل مانسيـتـه
يتوق القلـب يمـه بانتـلالا
يراودني بحلم الليـل طيفـه
بذكرى في خيالـي لاتـزالا
واثر حلم المنام ومايجي بـه
سـراب بالمهاميـه يـتـلالا
متى ماوجه العطشـان يمـه
تمضحل مع بلا قيع السهـالا
انا لي صاحب هجره برانـي
كما يبري اليراحـد السـلالا
يحاكي ببابلي السحـر زينـه
جميع البيض من زينه خجالا
كتب هاروت في صافي جبينه
ترىسحر الهوى سر الجمالا
الا يازين مـدري بـأي ملـه
تحلل ذبحه الاسرى العـزالا
الا مامن يودي لـي رسالـه
لمامون السرايـر والسـوالا
ابن سلوم ناصر مـن شكالـه
قديم الطيبـه ريـف الهشـالا
لغير العنقري مانيب شاكـي
وتسنيد علـى غيـره محـالا
رسولي سو الخبر وهاك مني
شكية ود ماقصـدي سجـالا
ولكـن لا لفيتـه لاتـسـرع
تراني خابـر فيـه اعتجـالا
الا منه نشـدك فقـل نديمـك
طريح فراش من عنق الغزالا
اله شهرين ماهملـج نظيـره
وحاله كـل يـوم بانحـلالا
ونا اللي صابني شي يعرفـه
سهوم الود من عين الغـزالا
بعد ماكنت اسولف مع نديمي
هويت عن التديـم الانعـزالا
اصالي نار هجـران المحبـه
واثر نار الهـوى ماتنتـوالا
وهذا واهديك مهداة بن مسنـد
لمرشد في قديمـات الليـالا
سلام من صميم القلب صافي
نظيف انقى من الشهد الزلالا






و رد عليه عبدالله بن سلوم التميمي وقال ::





سهم نجلا ترى ذبحـه حـلالا
فـلا تشكيـه ياريـف الهـزالا
اشوفك كل يـوم بـك مصيبـه
رماح الحب فـي قلبـك تـدالا
متى مارحت عن سلمى واهلها
جذبك الشـوق لعيـون كسـالا
كسلها مافجاهـا مـن مرضهـا
ولكـن مـن غنجهـا والـدلالا
ترى المغرم متى ماحـل ليلـه
تحمـل لـه بحمـل مايـشـالا
يزورونه كثيـرات الطـواري
وهو في فـال والعالـم بفـالا
والى روجع حمام الورق صوته
تنكث جرحه اللـي قـد تشـالا
يابونايف رسولك يـوم جانـي
بسطت النفس وابعدت الكـلالا
ابظهر له دليـل ان الدعـاوي
بلا تدليـل مرجعهـا الـزوالا
تقول انك عجل ويش انت شايف
او التفسيـر خافـي لايــزالا
انا عجل على درب المراجـل
بطـيٍ عـن مناهيـج الظـلالا
ولولا الحرص مني والركـاده
متى ماهازني بعـض الرجـالا
قبست النار واهملـت النتايـح
الين يصيـر للحـرب اشتعـالا
ولكن من يبـي ياخـذ رفيقـه
بزلـه مالقـى غيـره بــدالا
يابونايف ترى شكواك وصلـت
ولا والله قويـت لهـا احتمـالا
ولو ان مصيبتك يوجـد دواهـا
بذلت النفس وارخصت الحلالا
ولكـن الغـرام ومايجـي بـه
موازينـه مجانبهـا الـعـدالا
وانا بفزع على مقـدار جهـدي
ولو صار الطلب عسر المنـالا
ولكن ويـش اسـوي لالقيتـه
وشرحت له الظروف بلا جدالا
وقال ان الهوى عنـدك هوايـه
يهزك شـوق لاحـل المجـالا
ولالك مقصـد غيـر التسلـي
وبعض البيض تنكـر هالمثـالا
وبغيـت ارد تهمتهـا وقالـت
ابو ثنتيـن قربـي لـه محـالا
ورجعت وقلت والمعنى نديمـك
تنحـر دار مرويـن السـلالا
خـذ المكتـوب وده للمـولـع
تحمـل ماسمعـتـه بالكـمـالا
متى ماجيت فـي دار ابونايـف
عطه علمي وقل لـه هالمقـالا
وانا بهديك في تالـي كلامـي
سـلام ومـا حـوت واو ودالا
فلا غيرك نديـم صافـي لـي
وابونـواف منزلكـم لـحـالا




من مواضيعي:
عضو جديد يرحب بالجميع
رد مع اقتباس
  #16  
قديم 18-02-10, 01:27 صباحا
الصورة الرمزية عبدالكريم منصور عبدالمحسن
عبدالكريم منصور عبدالمحسن غير متواجد حالياً عبدالكريم منصور عبدالمحسن

 
تاريخ التسجيل: Jan 2010
المشاركات: 9
بين عبدالله بن سلوم والسديري



يقول عبدالله السلوم رحمه الله :







باقى من الذكـرى رسـوم للأطـلال
هـوج الريـاح العاتيـه مامحتـهـا
أظنهـا تبقـى علـى مـر الاجيـال
تنبيـك عـن قـدرة يديـن بنتـهـا
أرض نشا فيها مـن الخلـق نـزال
وشخص عشقته عاش فـي ناحيتهـا
ان غبت عنها شفت من ضيقه البـال
مايلحـق النفـس العليلـه عنتـهـا
وان جيتها عقب التباطـي والامهـال
فرجلي تسير ايليـن تاصـل جهتهـا
واقف عليها وارسل الطرف يجتـال
والرجـل ماكـن البسيطـه تحتـهـا
تموج كنـي واقـف فـوق زلـزال
وعينـي تضيـق بعبـرة حابستهـا
اخاف يـدري بـي حسـود وعـذال
حيث العيون دموعها هـي حابستهـا
ياشيخ واقلبي عليـه الصبـر طـال
ورحـت مسراتـه سريـع فوتـهـا
ياشيخ كلـن قـدر مايحتمـل شـال
ونا حمولـي كيـف نفسـي قوتهـا
نفسي لها عـن لـذة العيـش سـلال
تتقـوق لاخبـار القديـم وسنتـهـا
والا الغـرام بعشقـي طقـه الجـال
واصبـح جنـازه والسنيـن قبرتهـا
ولاعاد لي ملحوظ في الـواو والـدال
فلت يدي صفحه والاخـرى طوتهـا
واصبحت من عقب المخاطر والاهوال
اجنـب الحيـه واعـاف شجرتـهـا
ياميـر بينـت السبـب لـك ولازال
في النفس حاجه وانكفـت ماقضتهـا
يامير شخص ياصل الحبـل بحبـال
وشخص يسـره يـوم يقطـع بتتهـا
وانت العديم معـرب الجـد والخـال
ونفسـك مراقيـب الشهامـة علتهـا
خذهـا شهـادة واحـد مابعـد قـال
كلمـة نفـاق يرتـجـي منفعتـهـا
والناس يابوزيد مـن كـل الاشكـال
من شـاف عثـره عاثـر ماغمتهـا
الا الـذي ماللـرد فـيـه مـدخـال
هـذاك ابونفـس يحصـل بختـهـا
وقت مضى له حال واليوم لـه حـال
وارجى من المولى حسـن خاتمتهـا






ورد عليه محمد السديري وقال :







لاباس بالابس من الـود سربـال
ياللـي بيوتـك حكمتـك فاتلتهـا
مثل الذهب ما اضعفت بيت ولامال
من الجواهر فيض عقلـك نحتهـا
ابيات عن شعر لغيرك بها انفـال
ابدعـت بأولهـا وفـي تاليتـهـا
الياس لايبعدك يـاذرب الافعـال
اتعب قدم رجلك على ما اشتهتهـا
الرجل سقها بارجا واطلب الفـال
وسعدك بأتلى خطوة قـد خطتهـا
وانا معك بالحال والراي والمـال
وارجي عسى المولى يحل اشركتها
اقطف زهر مالاق والعمر بسمـال
ولحق هوى روحك لروح رجتهـا
عب الهوى عبه على كل الاحـوال
واخلص لمن بالود عينـك بغتهـا
اشرب يابن سلوم من در الاهجال
والـروح وصلهـا لـدار دعتهـا
النفس روضهـا والايـام باقبـال
توذيك كان ان الهمـوم اسهجتهـا
وعن الكرى عيني بها ذعر واجفال
وشواطن مـن سهرهـا داعبتهـا
شواطن مابيـن نـازل ورحـال
البارحه يـوم الطـواري حدتهـا
يوم انها شافت غريبـات الامثـال
ابيات من نظـم غريـب قرتهـا
تاهت لنجم الجدي بالليـل تختـال
وسبع النعايـم كنهـا حاضنتهـا
العين هاجت واصبح القلب يجتـال
وذكرت دار قبل رجلـي وطتهـا
انشد وتلقاني مـن الحـب مكتـال
وعيني غزيرات الدموع اذرفتهـا
يجذبني الهاجوس في راس ماطال
وكم هضبه رجل العنـا مشرفتهـا




من مواضيعي:
عضو جديد يرحب بالجميع
رد مع اقتباس
  #17  
قديم 18-02-10, 01:29 صباحا
الصورة الرمزية عبدالكريم منصور عبدالمحسن
عبدالكريم منصور عبدالمحسن غير متواجد حالياً عبدالكريم منصور عبدالمحسن

 
تاريخ التسجيل: Jan 2010
المشاركات: 9
قصيده ارسلها الشاعر عبدالله السياري الخالدي لـ عبدالله بن سلوم التميمي


يقول السياري :







سلام يالصاحب اللي صحبته تاجٍ على الـراس
لولا غلاه ومقامه ما اعتبرتـه تـاج راسـي
الصاحب الي لثوب الطيب والنومـاس لبـاس
الباتع اللي على ضيم الدهـر قاطـع وقاسـي
الوافي اللي صفالي من عرفتـه بـدة النـاس
ماغيرته المناصب مثـل غيـره والكراسـي
لاباس يامن شكالي من هـوى ليـلاه لابـاس
ياصاحبي مثل ماقاسيت مـن نديـاك اقاسـي
الشاعر العاشق المحروم مثلك مرهف إحساس
ولا كل من صاح من جرح الهوى يلقى مواسي
ياما تنصحتك وحذرتك عن التفريط بالمـاس
اخاف مـن ساعـة تحتـاج فيهـا للنحاسـي
شفني على ما مضى لي من ليالٍ بيض منحاس
من قو غبني على ماضٍ مضى لي شاب راسي
مثل الحميدي حرمه الله من الخفـرات ميـاس
فرط وصـارت حياتـه كلهـا هـم ومآسـي
يدق صدره على مافات له مقطـوع الانفـاس
العيش عنده من الحرمان والمـوت متواسـي
والا انت توك شباب وطلعتك طلعات قرنـاس
والصيد راتع ووامن ماعليـه مـن الحاسـي
الصيد ولعه على ماقيل والمقنـاص نومـاس
اتعب لهن لا عدمتك في مشاريـف الرواسـي





رد عليه بن سلوم التميمي وقال :






ذعذع وانا بالجزاير من هبوب الوجـد نسنـاس
وسما بي الشعر واطلق همتـه عقـب احتباسـي
مابين هاك السهـول الطيبـة وجبـال الاوراس
قريت خط الرفيـق اللـي تزايـد بـه حماسـي
من شاعرٍ له بقلبي منزل سـوس علـى سـاس
ياما شكا لـي همـومٍ يطـردن عنـه النعاسـي
وإلى بغى يدمج الدعوى ويبعد عنـه الارمـاس
سوى قضية يبي جـوي يجـي فيـه التماسـي
حاشاك منتب يبو خالد علـى الغـرات بـلاس
انت الصفـي الوفـي ولاتجـي درب التباسـي
لاشك من سمع هرجك لبس درع الحرب والطاس
وفصل ثيابٍ من البهتـان لـو ماهـي مقاسـي
ماثور الحرب بيـن كليـب والمقـرود جسـاس
إلا كـلامٍ بسيـط وصـار لـه راس وساسـي
لاتنصح الناس درب العشق مابه غير الافـلاس
من جنبه صار سالـم ، والمولـع بـه يداسـي
رست سفينه غرامك في مكـان مابـه اونـاس
والا الحميـدي مسافـر مابعـد دور مـراسـي
وانا تخيرت عن باب الطمع بـاب مـن اليـاس
ومشيت في درب الابلج ماتعرضـت الهراسـي
من عاش ماحط في الدنيا دليـل وحـط نبـراس
ما ادرك مرامه وشرب من النكد عشرين كاسـي







من مواضيعي:
عضو جديد يرحب بالجميع
رد مع اقتباس
  #18  
قديم 18-02-10, 01:32 صباحا
الصورة الرمزية عبدالكريم منصور عبدالمحسن
عبدالكريم منصور عبدالمحسن غير متواجد حالياً عبدالكريم منصور عبدالمحسن

 
تاريخ التسجيل: Jan 2010
المشاركات: 9
عمير بن زبن ارسل هذه القصيده إلى عبدالله بن سلوم


يقول بن زبن :




نويت ثم ارسلـت مـن غيـر فتلـي
كلام في حبر على الطـرس مكتـوب
يحكي بصدق قصـة قـد جـرت لـي
حبيت انا ابعثهـا لشاعـر وموهـوب
عبـدالله السلـوم اديـب زهـت لـي
علومه مع افعاله على الجـود منتـوب
نعم الصديق اللي صحيح ظهـرت لـي
خصال جوده مابه شكـوك وعيـوب
ياسعود قل بعد السـلام ارسلـت لـي
قصة يابن سلوم لـك وسـط مكتـوب
وليا سأل قل مـا بعـد ترجمـت لـي
خذها عساك من الصواديف محجـوب
وقل له يقول عمير عـذرا بـدت لـي
ثم اختفت عجله وانا اصبحت منيـوب
من يوم خاطفة القلـوب خطفـت لـي
عقلي جلس بالجـد يالشهـم مصيـوب
بعين با السحر الصحيح نظـرت لـي
واصبحت كل الجوف بالفعل منهـوب
وش جابني للسوق حتى عرضت لـي
الا ان هـذا يافتـى الجـود مكتـوب
مكتوب اشوف السحر يوم ضحكت لي
فيها ويجعلنـي مـن العقـل مسلـوب
مكتوب اطلب السوق حتى صدفت لـي
والا فنا ماني على السـوق مغصـوب
من شد ما حسيـت يـوم سلبـت لـي
قلبي وعقلي زاغ وامسيـت مرعـوب
ماجيتهـا يالشهـم لاشـك جـت لـي
صادت وراحت واصبح الدمع مسكوب
من نون عيني يوم هـي روحـت لـي
بقلبي هي الكاسب وانا اصبحت مكسوب
اول خطر يالشهـم يـوم ندهـت لـي
هو صوتها السحري له العقل مجـذوب
وهن درتين شفـت يـوم قربـت لـي
مع قدرة التعبيـر باخـلاق واسلـوب
وثالث خطر هي بالصحيح نصبت لـي
بعين وجسم ووجـه مافيـه عـذروب
واليوم ، يا مشكـاي وان حـل قتلـي
منها خذوا ثاري ترى الشرع منصوب





ورد عليه عبدالله بن سلوم التميمي يقول :






حي الكتاب اللي رجـع بالبخـت لـي
ترحيبه المنـدب الـى عـاد منـدوب
كـزه رفيـق مانـوى بالعنـت لـي
لو ظاهر القيفـان بالكـود مصحـوب
احيا ربيع القلب يـوم ازهـرت لـي
فيه العلـوم ونلـت غايـه ومطلـوب
الغايه اللي مـن زمـان سنحـت لـي
مع شاعر شعـره مقـدر ومحسـوب
واقفى وذكـراه العزيـزه بقـت لـي
وطاريه في قلبـي مقـدر ومحبـوب
واليوم رايـات الغـرام خخفقـت لـي
واصبحت كني بالمحبيـن مصحـوب
ياعمير مكتوبك علومـه طـوت لـي
شي دفيـن ويخفـي اسـرار منكـوب
مـن تـل قلـبـك تلتـيـن بنتـلـي
ماخاف من فعلـه عواقيـب وذنـوب
اطغاه وقتـه واصبـح الزيـن يتلـي
من شاف في قلبه من الحـب منسـوب
ياعمير ابخبرك بطواري طـرت لـي
علـوم اغنيهـا هجينـي ومسحـوب
اخطارك اللي صابتك قد مضـت لـي
وعالجتها بالصبر والصبر ورغـوب
صادفت بابهـا وحـدة وهتفـت لـي
ومن عقبهـا ماطـاب زاد ومشـروب
من حـور ربـي كنهـا نزلـت لـي
راحت وخلت لاهب القلـب مشبـوب
مولا غمضني غير يوم اشـرت لـي
بالكف وإلا الوجه بـاد بـه اشحـوب
وحاولت اقاضيها ولكـن قضـت لـي
وصارت تدهوك بي على كل ملعـوب
ياليتها يـوم الـوداع احجـزت لـي
أغديـه ينقلنـا مـع الجـو مركـوب
عليه يبيـن علـوم منهـا خفـت لـي
ان الهوى في صوب والناس في صوب
ولاعاد اصدق كل عذرا سمعـت لـي
لو حاولت تبدي لي اسـرار وعجـوب
ولو كان بالحان الغـرام عزفـت لـي
دريت بنك يافتـى الجـود مركـوب
يلزمك تصبـر لاتقـول قبلـت لـي
حتى تقـرر لـك نصيـب وماجـوب
ياعمير وان كان الليال سمحـت لـي
بذلت لـك نفسـي ولايلحقـك نـوب



وســــــــــــــــــــــــــــــــــــــــــــــــ ـــــــــــــــــــــــــــــلامــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــتكم


من مواضيعي:
عضو جديد يرحب بالجميع
رد مع اقتباس
رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
طرق مشاهدة الموضوع

تعليمات المشاركة
لا تستطيع كتابة مواضيع
لا تستطيع كتابة ردود
لا تستطيع إرفاق ملفات
لا تستطيع تعديل مشاركاتك

كود [IMG] متاحة
كود HTML متاحة
الانتقال السريع إلى

المواضيع المتشابهه
الموضوع كاتب الموضوع المنتدى مشاركات آخر مشاركة
مولود لــ ريما عبدالله السلوم رزان عبدالله سليمان العلي السلوم أخبار 10 07-08-09 10:31 مساء
حفل تكريم نوره عبدالله السلوم خالد عبدالله سلوم السلوم أخبار 6 01-04-09 03:46 صباحا
عبدالله السلوم صلاح عبدالله سليمان علي السلوم أدب 7 13-06-08 11:36 صباحا
من قصائد عبدالله السلوم الطريفه صلاح عبدالله سليمان علي السلوم أدب 5 13-06-08 11:35 صباحا
عبدالله السلوم وقصيدة يوم الوطن صلاح عبدالله سليمان علي السلوم أدب 2 13-06-08 11:33 صباحا

الساعة الآن 06:07 مساء.


حقوق النشر محفوظة لدى موقع أسرة السلوم التميمية الوهيبية، في الكويت والمملكة العربية السعودية e-alsalloum.com