المساعد الشخصي الرقمي

مشاهدة النسخة كاملة : أمثال كويتيه


Yousef
26-08-03, 01:38 مساء
· أبو طبيع ما يجوز من طبعه

· إذا بغيت صاحبك دوم حاسبه كل يوم

· إذا حبتك عيني ما ضامك الدهر

· إذا حجت البقر على قرونها

· إذا حضر الماء بطل التيمم

· إذا صار رفيجك حلو لا تاكله كله

· إذا طاح الجمل كثرت سكاكينه

· إذا طبع دوس على تريجه

· إذا فات الفوت ما ينفع الصوت

· إسأل مجرب ولا تسأل طبيب

· إش حادك يا المسمار ؟ قال المطرقه

· إصرف ما في الجيب يأتيك ما في الغيب

· أضبط من ساعة الملا

· اقبض من دبش

· أقضب مجنونك لا يجيك أجن منه

· إكل ما تشتهي وإلبس ما يعجب الناس

· إما طلعه ولا طبعه

· إن طاعك الزمن وإلا طيعه

· إنطر يا حمار لما يجيك الربيع

· إنفخ يا شريم قال ماكو برطم

· الباب اللي يجيك منه الريح سده وإستريح

· بات مظلوم ولا تبات ظالم

· بغاها طرب صارت نشب

· بغى يكحلها عماها

· بغيناه عون صار فرعون

· تجيك التهايم وإنت نايم

· ثوب أطول منك يعتك

· جارك ثم دارك

· حاميها حراميها

· حشر مع الناس عيد

· حط فلوسك بالشمس وإقعد بالذلال (إجلس بالظل)

· خبز خبزتيه يا الرفله إكليه

· خربان من البيضه

· دابة الله بأرض الله

· الذيب ما يهرول عبث

· راعي النصيفة سالم

· شبعونا طراقات وشبعناهم شتايم

· شمامها لمامها

· طارت الطيور بأرزاقها

· طقاق روحه ما يصيح

· الطقعه بسوق الصفافير ضايعه

· الطول طول نخله والعقل عقل صخله

· عتيج الصوف ولا جديد البريسم

· عقب ما طقعت صمَت فخوذها

· عمره ما تبخر ، تبخر وإحترق

· عومه مأكوله ومذمومه

· غصيت فيك يا ماي ، شدفعك في

· فال الله ولا فالك

· الفرخ يجوجي في البيضه

· قال عندك تاكل ؟ قال لا . قال عندك تغرم ؟ قال إي .

· قراقيع صيف

· قطو وطقيته بمصير

· كثر الدق يفك اللحام

· لو جريت جري الوحوش غير رزقك ما تحوش

· لي طار طيرك قول سبيل

· اللي في الجدر يطلعه الملاس

· اللي ما يرضى بجزَه ، يرضى بجزَه وخروف

· اللي ما يستحي منك لا تستحي منه

· اللي ما يطول العنقود يقول حامض

· اللي ما يطيع يضيع

· اللي ما يعرف الصقر يشويه

· اللي ماله أول ماله تالي

· اللي مو على دينك ما يعينك

· اللي هذا أوله ينعاف تاليه

· اللي يجي من الله حياه الله

· ما تعينك إلا يمينك

· ما لك إلا خشمك لو كان عوي (أعوج)

· مال عمك لا يهمك

· مخروش طاح بكروش

· مد رجولك على قد لحافك

· مداح نفسه يبي له رفسه

· مكسورة و تبرَد

· من طمع طبع

· نصيبك يصيبك

· هذا سيفوه وهذي خلاجينه (ملابسه)

· الوجه من الوجه أبيض

· يا شين شيء ما شابه هله (أهله)

· يا من شرا له من حلاله علَه

· يفوتك من الجذاب صج وايد

· يمدح السوق من ربح فيه

· يوَد (أمسك) الحبَه وفلَت (أفلت) الدبَه

Killer^Girl
26-08-03, 05:40 مساء
تشكر يسوف على امثالنا الكويتيه القديمه :wink:

هلولة
27-08-03, 05:03 مساء
بس الله يهداك في امثاال ريحتهاا اف :?
وبعدين ليش ما حطيت هالمثل ؟؟ امي دايماا تقولاا.. الا وهواا حط راسك بين رجليك واشهد على والديك :lol:
على فكرا في امثال ما عرفت متى تقاال .

اختك : الحلوا ام الحلوين

ZOOO`3A
27-08-03, 07:28 مساء
الله يعطيك العافيه يا خيّى على الأمثال ,,,, صج عتيج الصوف ولا يديد البريسم,,,,,, :wink:

Yousef
28-08-03, 11:37 صباحا
الله يعافيكم جميعاً ...


والله في امثال اندفنت ومحد يعرفها وفي امثال انقالت ما يعرفونها اله القليل ... :?


و كل مثل وله معنى وزمن ينقال فيه ... :wink:


لو بشرح كل مثل و وقته ومعناه راح يطيح حيلي :)